Анвоъи намозҳо аз дидгоҳи уламои ҳанафӣ аз ҳайси ҳукм чаҳор навъанд:
1-Фарзи айн. Намозҳое, ки гузоридани онҳо бар ҳама фарз буда ба гузоридани баъзе намозгузорон аз гардани нагузоридагон соқит намешаванд. Намозҳои панҷ вақта чунин мебошанд ва ҳама бояд онҳоро бигузоранд.
2-Фарзи кифоя. Фарзи кифоя намози ҷаноза мебошад, ки ба гузоридани баъзеҳо аз гардани бақия соқит мешавад.
3-Намозҳои воҷиб. Мисли намози витр ва қазои намозҳои нафлие, ки қабл аз тамом шуданашон фосидашон кардааст.
4- Намозҳои нафлӣ. Мисли намози таҳаҷҷуд ва суннатҳои ротиба, яъне муаккада ва ғайра, ки гузориданашон ҳукми суннат ё мустаҳабро дошта бошад.
