Шаби Ялдо (форсӣ: شب یلدا), Шаби Чилла (форсӣ: شب چله) — дарозтарин шаби аввали моҳи Дай, ҷашни қадимии мардумони форс-тоҷик, ки ба муносибати зодрӯзи фариштаи Меҳр ё Митра баргузор мешуд.
Мувофиқи тақвими эронӣ шаби 30-юми моҳи Озар (22 декабр) рӯзи таваллуди Меҳр мебошад, зеро аз ҳамин вақт сар карда, рӯзҳо дарозтар ва тобиши офтоб бештар мегардад.
Шаби Ялдоро инқилоби зимистонаи Офтоб низ мегӯянд. Офтоб дар ин вақт аз нуқтаи ҷанубтарини эклиптика (бо майли 23027) мегузарад ва рӯзи аз ҳама кӯтоҳу шаби аз ҳама дароз ба вуҷуд меоянд.
